احدث العروض

رجل الشلمونة

بواسطة مسرح الفكر الجديد
|
في 10 شباط (فبراير) 2013

 

كل واحد فيكم بصغره تعرف على الرجل الحديدي، بس هلأ يمكن نسيتوا! صار الوقت انكم تتعرفوا على رجل الشلمونة... و انا بأكدلكم انكم ما رح تنسوه!

 

قبل اكمن يوم كنت قاعدة مع شخص و فهمت منه انو في كتير شباب هلأيام عم بخترعوا و بوصلوا لوين ما بحلموا. قعدت مع حالي شوي و حكيت يمين و شمال معقول بيوم من الايام اقدر اخترع اشي؟ عرضت الفكرة على احد اصدقائي و احنا بنشرب كاسة الشاي السخنة... "هات يا زلمة نخترعلنا شغلة!" الجواب ضغري كان: "ايديك على مليون دينار"  و هون عصبت و قلت معك حق!

اقرأ المزيد

بتقدر ترسم و عينيك مغمضة؟؟ بتقدر تدبك و دينيك مسكرة؟؟

بواسطة مسرح الفكر الجديد
|
في 8 شباط (فبراير) 2013

 

 

كتير مرات بنطلب منا أشياء... و أول تعليق بكون: مستحيل... ما بعرف... كيف رح أقدر؟ و من هون  بنتوتر، بنضيع او يمكن بنستسلم! و في منا بقدر يعمل بس ما بده! 

 

الواحد لازم يشتغل على حاله و يثابر بشغله و حياته! فش سبب بالدنيا بخليك تقعد بدون شغله ولا عمله! يمكن مش الكل مقتنع بالحكي بس كتير ناس نجحت بحياتها و حتى لو واجهت صعوبات. دائما بالحياة الي بواجه المشكلة و بهجم عليها المشكلة بتهرب منه... و الي بهرب من المشكلة بتلحقه!

 

اقرأ المزيد

هو ضل حد مبسوط بهلدنيا؟

بواسطة مسرح الفكر الجديد
|
في 8 شباط (فبراير) 2013

 

كتير منا بضل ينق على حظه و اديه هو تعيس... "يا الله مش طايق، يا الله زهقت، تعبت،شو هاد؟ اففففت شكلي مش حلو..." ما حد بفكر غير بحاله و اديه هو تعيس! بس تعالوا يا جماعة نفكر مع بعض شوي... اذا خيرتكم تكتبوا 10 اشياء بتخليكم مبسوطين أو 10 اشياء بتخليكم تعيسيين انا بشارطكم انو رح تكتبوا عن التعاسة و مش السعادة. ليه؟ لأنو احنا هيك بس بنفكر بالأشياء السلبية بحياتنا! لنعيش حياة اسعد و افضل لازم نشوف الاشياء الاجابية و نفكر فيها دايما و نطبقها.

اقرأ المزيد

الصفحات